Partizani ka triumfuar me rezultatin 2-0 përballë Skënderbeut në ndeshjen miqësore të zhvilluar në qytetin e Pogradecit.
Skuadra e kuqe realizoi nga një gol në çdo pjesë loje, për të marrë fitoren. Avantazhi për kryeqytetasit erdhi në minutën e 35-të, kur kapiteni Xhuliano Skuka u tregua i saktë nga pika e bardhë e penalltisë.
Në pjesën e dytë, korçarët shtuan presionin dhe krijuan disa mundësi për të barazuar shifrat.
Megjithatë, Partizani shfrytëzoi rastet e veta dhe vulosi fitoren me anë të Hjumen në minutën e 81-të.
Ky test miqësor i shërbeu të dy stafeve teknike për të parë gjendjen e grupit të lojtarëve përpara zyrtarizimit të kalendarit të ri.
