Skënderbeu ka fituar 2-0 ndaj Ilirisë në Korçë, në ndeshjen e vlefshme për javën e tretë në Kategorinë e Parë.
Juglindorët shënuan nga një gol për çdo pjesë, për të marrë 3 pikë të rëndësishme.
Në minutën e 9-të ishte Saleh Nasr që zhbllokoi takimin, me një gjuajtje të bukur në zonë.
Foti Çuçka dyfishoi shifrat në minutën e 72-të, pas një aksioni model nga e djathta.
Me këtë sukses, Skënderbeu shkon në kuotën e 7 pikëve, në krye te renditjes, në pritje të rezultateve të rivalëve.
Iliria mban vendin e fundit me vetëm 1 pikë të grumbulluar.
