Edi Martini do të rikthehet sot në stolin e Vllaznisë kundër Partizanit, pasi ka shlyer me gjobë pjesën e mbetur të dënimit nga Disiplina.
Megjithatë, pavarësisht heqjes së pezullimit, ai ka marrë një vendim të papritur. Trajneri shkodran ka vendosur të bojkotojë konferencën për shtyp para ndeshjes.
Në javën e parë ndaj Egnatias, Martini u ndëshkua me karton të kuq dhe Disiplina e pezulloi për dy ndeshje. Vllaznia fitoi atë takim, por më pas u mposht nga Dinamo. Takimi i sotëm kundër Partizanit do të zhvillohet në orën 19:00 në stadiumin “Loro Boriçi”. Për kuqeblutë kjo është një sfidë e vlefshme për javën e tretë të Superiores.
Në vend të Martinit në konferencë foli mbrojtësi Melos Bajrami. Ai ka nisur mirë sezonin, duke realizuar dy gola.
