Një erë e re po fryn në veriun e Shqipërisë! Klubi i Tërbunit të Pukës pritet të përfshihet në një projekt ambicioz, pas vizitës së një grupi investitorësh italianë të cilët synojnë blerjen e aksioneve të klubit nga bashkia.
Delegacioni i biznesmenëve nga zona e Bergamos, i njohur për përvojën në futbollin e moshave në Itali, është pritur nga kryebashkiaku Rrok Doda.
Palët kanë gjetur gjuhën e përbashkët, duke hedhur sytë nga një projekt që nuk fokusohet vetëm te suksesi i momentit, por te ndërtimi i një akademie të fortë dhe grupeve zinxhir.
Stadiumi “Ismail Xhemali” dhe pasioni i tifozërisë pukjane kanë lënë mbresa te investitorët, duke e bërë marrëveshjen gjithmonë e më të arritshme.
