Rijad Kobiljar pritet të mbyllë para kohe aventurën e tij te skuadra e Vllaznisë gjatë kësaj periudhe të merkatos.
Mesfushori boshnjak u prezantua te ekipi shkodran vetëm pak më shumë se një muaj më parë.
Megjithatë, sipas Mantho Prokopi futbollisti do të transferohet në kampionatin e Bahreinit. Bisedimet mes palëve janë drejt përfundimit dhe lëvizja pritet të zyrtarizohet brenda pak ditësh.
Si rrjedhojë e këtij kalimi të afërt, lojtari pritet të mos grumbullohet për përballjen e radhës ndaj AF Elbasanit.
Largimi i tij lë një hapësirë të papritur në repartin e mesfushës te kuqeblutë. Skuadra shkodrane do të duhet të bëjë përshtatjet e nevojshme në organikë pas këtij zhvillimi.
