Reshat Ramadani ka marrë ftesë nga Maqedonia e Veriut. Mesfushori shqiptar i Shkëndijës së Tetovës, i cili shkëlqeu në aventurën evropiane me kuqezinjtë, ia doli që të fitonte ftesën e maqedonasve.
Ai ka marrë ftesë nga trajneri i Maqedonisë së Veriut, Blagoja Milevski, për dy ndeshjet e muajit shtator. Kujtojmë se më datë 4, maqedonasit do të përballen në miqësore me Arabinsë Saudite, ndërsa 3 ditë më vonë do të luajë kundër Lihtenshtejnit në kuadër të kualifikueseve të Botërorit.
Kujtojmë se Reshat Ramadani është në pronësi të Dinamo Kiev, por i huazuar te Shkëndija. 22-vjeçari shihet si një talent me të ardhme të ndritur dhe një përforcim i rëndësishëm për mesfushën e Maqedonisë së Veriut.
