Mesfushori Adnard Mehmeti ndodhet shumë pranë mbylljes së aventurës së tij me skuadrën e Partizanit gjatë kësaj periudhe të merkatos.
25-vjeçari është në bisedime me drejtuesit e Vllaznisë për një kalim të mundshëm në Shkodër.
Në rast të arritjes së akordit, mesfushori do të shndërrohej në një nga goditjet më të rëndësishme të verës për shkodranët. Ndërkohë, tekniku i kryeqytetasve, Florin Bratu, ka marrë vendimin për ta lënë lojtarin jashtë grupit të skuadrës.
Futbollisti nuk është përfshirë në fazën përgatitore që Partizani po zhvillon aktualisht në qytetin e Pogradecit. Ky distancim nga stërvitja e përbashkët shihet si një konfirmim i qartë se largimi i tij është vetëm çështje kohe.
Të gjitha sinjalet e fundit tregojnë se e ardhmja e 25-vjeçarit do të jetë larg kryeqytetit për edicionin e ri.
