Armando Broja mund të vazhdojë karrierën në Serinë A. Lazio ka rikthyer në listën e objektivave për repartin ofensiv sulmuesin e Kombëtares shqiptare.
Klubi italian synon t’i sigurojë trajnerit Gennaro Gattuso një qendërsulmues të ri për sezonin e ardhshëm. Drejtori sportiv Angelo Fabiani po ndjek prej kohësh situatën e 24-vjeçarit shqiptar, i cili është pjesë e Burnley, skuadër që ra në Championship.
Sipas raportimeve nga Italia, Burnley është i gatshëm ta lejojë largimin e Brojës në formë huazimi pa detyrim blerjeje.
Më herët interesime nga Italia për Brojën kanë treguar edhe klube si Cagliari, Parma dhe Udinese.
Paralelisht, Lazio po punon edhe për përforcimin e mesfushës, ku në listë janë Marco Brescianini dhe Giovanni Fabbian. Aktualisht, Brescianini konsiderohet alternativa kryesore për këtë repart.
