E ardhmja e mbrojtësit të Kombëtares, Mario Mitaj, mbetet e paqartë te klubi i Al-Ittihad, pavarësisht kontratës që skadon në verën e vitit 2028.
Sipas raportimeve nga gazetari saudit Abdulilah Al-Amri, kampionët e Arabisë Saudite po kërkojnë opsione të reja për krahun e majtë të mbrojtjes, duke e vënë 22-vjeçarin në kërkim të një skuadre të re.
Një prapaskenë e bujshme ka zbuluar interesimin e Al-Nassr, klub i cili kërkoi huazimin e Mitajt deri në fund të sezonit. Megjithatë, Al-Ittihad ka kthyer një përgjigje negative të menjëhershme, duke refuzuar të përforcojë një rival të drejtpërdrejtë në kampionat.
Mitaj u transferua te klubi verdhezi në janar të vitit 2025 për shumën e 4 milionë eurove.
Ndërsa orët e fundit të merkatos po afrojnë, interesi për mbrojtësin shqiptar mbetet i lartë edhe nga klube të ndryshme evropiane.
