Berat Gjimshiti
Berat Gjimshiti pritet të jetë një nga emrat më të përfolur në merkaton e verës në Serie A.
Mbrojtësi është në vitin e fundit të kontratës me Atalanta dhe ende nuk ka arritur një marrëveshje për rinovim. Sipas mediave italiane, në garë për të janë futur Juventus, Milan dhe Roma.
Juventusi synon të shtojë eksperiencë në repartin defensiv. Milani mund të mbështetet edhe në raportin që drejtori sportiv Igli Tare ka me lojtarin.
Ndërsa te Roma, një faktor shtesë është prania e Gian Piero Gasperinit, trajnerit me të cilin Gjimshiti ka arritur kulmin e formës.
E ardhmja e kapitenit të Kombëtares shqiptare mbetet e hapur për sezonin e ardhshëm.
