Ndeshja midis AF Luftëtari U19 dhe Shkëndija Tiranë U19, e zhvilluar në stadiumin “Andon Lapa”, është shoqëruar me tensione të larta dhe përplasje fizike mes lojtarëve.
Gjatë takimit, futbollistët e të dyja ekipeve janë përfshirë në një sherr masiv në fushën e lojës, duke detyruar arbitrin të ndërhyjë për të qetësuar situatën.
Pamjet e regjistruara tregojnë momente të tensionuara që janë jashtë frymës së garës sportive për këtë grupmoshë.
Delegatët e ndeshjes pritet të dorëzojnë raportet zyrtare pranë organeve kompetente të futbollit. Pas kësaj ngjarjeje, priten vendime disiplinore për klubet dhe lojtarët protagonistë në përplasje.
Ky episod dëmton imazhin e klubeve respektive në një kompeticion që synon zhvillimin e talentit.
