Silvinjo pritet të thërrasë në Kombëtaren shqiptare mbrojtësin e majtë 24-vjeçar, Stavros Pilios, me origjinë nga zona e Dropullit.
Lajmi u raportua fillimisht nga media greke, ndërsa më pas u konfirmua edhe nga familjarët e lojtarit për “Albania Team”.
Pilios nuk ka qenë asnjëherë pjesë e ekipeve të moshave të Greqisë, duke mbetur i pambuluar në nivel përfaqësues. Vlera e tij në “transfermarkt” llogaritet rreth 1.2 milionë euro. Thirrja e tij shihet si një zgjerim i alternativave në krahun e majtë të mbrojtjes. Mbrojtësi ka pasur paraqitje të rregullta në kampionatin grek gjatë sezonit të fundit, ku luan me AEK-un.
Ai do të jetë në grumbullimin e ardhshëm të Kombëtares në mars. Lojtari është njoftuar për procedurat dhe është në pritje të finalizimit të dokumentacionit.
