Flamurtari dhe Vora barazuan 1-1 në duelin e javës së 31-të në Superiore.
Dueli i dy ekipeve për mbijetesë, nisi menjëherë i zjarrtë dhe me gola që në fillim. Vora kaloi e para në avantazh me golin e Luis Felipe në minutën e 6-të me kokë.
Vlonjatët barazuan në minutën e 14-të, me golin e shënuar nga Diavara. Pas këtyre dy golave, ndeshja u qetësua dhe rastet ishin me pikatore.
Situata nuk ndryshoi as në pjesën e dytë dhe ekipet u detyruan të ndajnë nga një pikë mes tyre.
Me këtë barazim, Vora ngjitet në vendin e tetë me 31 pikë, ndërsa Flamurtari renditet i fundit me 26 pikë.
