Lajm i bujshëm nga kampi kampion! Edlir Tetova, arkitekti i sukseseve historike të Egnatias, do të largohet nga drejtimi i skuadrës rrogozhinase në fund të këtij sezoni.
Sipas RTSH Sport, aventura e trajnerit durrsak me “rrogozhinasit” po shkon drejt fundit pas një periudhe gati 4-vjeçare të mbushur me trofe.
Gjatë kohës së tij në krye të pankinës, Tetova fitoi dy tituj kampion dhe dy Kupa të Shqipërisë, duke e shndërruar Egnatian në forcën kryesore të futbollit shqiptar.
Megjithëse aktualisht është i pezulluar me 6 muaj nga Komisioni i Disiplinës, ai do të vijojë ta ndjekë ekipin deri në fund të kampionatit dhe në sfidat e “Final 4”.
Destinacioni i tij i radhës pritet të jetë Teuta, skuadra e qytetit të tij të lindjes, ku pritet të nisë një projekt të ri sezonin e ardhshëm. Konfirmimi zyrtar i këtij divorci pritet të bëhet në konferencën e njoftuar për ditën e nesërme.
