Kategoria Superiore luan sot dy përballjet finale, Vllaznia-Elbasani dhe Egnatia-Dinamo, të cilat do të përcaktojnë zyrtarisht skuadrën kampione të këtij edicioni.
Megjithëse në fushë gara mbetet tërësisht e hapur dhe e pasigurt, në internet ka ndodhur një anomali me shpalljen e fituesit.
Në faqen e Wikipedias në gjuhën angleze kushtuar kampionatit shqiptar, Vllaznia figuron tashmë si fituese e titullit për sezonin 2025-2026.
Ky ndryshim i parakohshëm dyshohet të jetë një rreng i organizuar nga ndonjë tifoz shkodran. Enciklopedia online lejon modifikimin e të dhënave nga përdoruesit përpara se ato të verifikohen nga administratorët.
Ndërkohë, fituesi real i trofeut do të mësohet vetëm pas përfundimit të dy takimeve të sotme në fushën e lojës.
