Sherif Kallaku mund të rikthehet në Superiore. Mesfushori, prej kohësh është një dëshirë e Vllaznisë. Më konkretisht është trajneri Edi Martini, ai që kërkon të ketë nën urdhrat e tij një lojtar që e njeh mirë nga koha te Teuta.
Vetë Kallaku ka pasur bisedime me Vllazninë dhe nuk ka refuzuar një transferim te kuqeblutë. Megjithatë, raportohet se në garë për shërbimet e tij është futur edhe Teuta.
LEXO EDHE: Klubi i Superiores me stadium të ri, FSHF-ja publikon pamjet
Klubi bregdetar ka pësuar ndryshime të shumta në këtë merkato dhe tani po tenton Kallakun. Por dëshira e parë e lojtarit thuhet se është Vllaznia, në rast se vendos të rikthehet në Shqipëri.
/VETEM SPORT
