Teuta vazhdon të prezantojë afrime në këtë merkato vere. Së fundmi durrsakët kanë njoftuar firmën me sulmuesin David Fadairo.
LEXO EDHE: ZYRTARE/ Pritej në Superiore, Sadiku bëhet me skuadër të re
Sulmuesi 24-vjeçar është bashkuar me ekipin e Poloni, aty ku bregdetarët po zhvillojnë fazën përgatitore.
Fadairo ishte për herë të fundit pjesë e Tatran Presov në Sllovaki. Më parë ka luajtur edhe me Banik Ostravën.
Njoftimi i Teutës:
“David Fadairo është zyrtarisht lojtar i Teutës!
Anësori nigerian, 24 vjeç, vjen nga klubi Tatran Prešov në Sllovaki, ku është aktivizuar rregullisht gjatë sezonit të fundit.
Me eksperiencë në liga si ajo e Sllovakisë, Republikës Çeke, Qipros dhe Austrisë, Fadairo është një profil ofensiv që sjell shpejtësi, driblim dhe fleksibilitet në krahët e sulmit”, shkruan Teuta.
