E kryer/ Esat Mala merr vendimin, transferohet te skuadra e Superiores

Klubi i Teutës ka siguruar një goditje të madhe në merkato duke arritur marrëveshjen me mesfushorin Esat Mala.

Për lojtarin e larguar nga Vllaznia si futbollist i lirë pati një konkurrencë të fortë, teksa fillimisht u kërkua nga Egnatia, ndërsa së fundmi ishte kampioni i Kosovës, Ballkani, që tentoi të ndërhynte për të prishur planet e bregdetarëve, por pa sukses.

Për Malën ky do të jetë klubi i tretë në  Superiore, pas eksperiencave të suksesshme me Partizanin dhe Vllazninë, si dhe hera e parë që do të punojë nën urdhrat e trajnerit Edlir Tetova.

Teuta po tregon ambicie të mëdha në këtë afat kalimtar, ku pas prezantimeve të Fangajt dhe Umejiegos, synon të afrojë edhe emra të tjerë të njohur si Bregu, Kallaku apo Lajthia.