Mbrojtësi 30-vjeçar Erion Hoxhallari ka vendosur të rikthehet në kampionatin shqiptar për të veshur fanellën e skuadrës së Dinamo City.
Lojtari i krahut të majtë vjen me parametra zero, pasi mbylli aventurën e tij dyvjeçare në futbollin polak. Hoxhallari u transferua te Polonia e Varshavës në vitin 2024 nga radhët e Tiranës, duke u shndërruar që në fillim në një pikë referimi dhe titullar të rregullt në prapavijën e ekipit polak.
Përpara arritjes së kësaj marrëveshjeje, emri i mbrojtësit u lakua mjaft për një rikthim të mundshëm te Tirana. Megjithatë, drejtuesit dinamovitë u treguan më konkretë në bisedime, duke siguruar një përforcim me mjaft eksperiencë për repartin e mbrojtjes.
Akordi mes palëve është finalizuar plotësisht dhe lojtari pritet t’i bashkohet ekipit në seancat e ardhshme stërvitore.
