Mbrojtësi i krahut të majtë, Edison Ndreca, ka mbyllur bashkëpunimin me skuadrën e Yelimay në elitën e futbollit të Kazakistanit.
Edhe pse transferimi i tij nga Egnatia u realizua gjatë merkatos së janarit, lojtari 31-vjeçar ka zgjedhur të ndërpresë kontratën për arsye familjare.
Menjëherë pas daljes në treg si lojtar i lirë, për shërbimet e tij kanë shfaqur interes disa klube të njohura në rajon.
Skuadra e Prishtinës në Kosovë, nën drejtimin e trajnerit Orges Shehi, po insiston për afrimin e tij si një pikë referimi për prapavijën. Në garë për mbrojtësin mirditor janë pozicionuar edhe Shkëndija e Tetovës, si dhe Vllaznia në Superiore.
Ndreca gëzon një eksperiencë të madhe në futbollin shqiptar, ku përgjatë karrierës së tij ka arritur të fitojë gjithsej shtatë trofe madhorë.
