Pisa po përgatit një ndryshim në pankinë, me Davide Ancelottin që shihet si pasues i mundshëm i Alberto Gilardinos.
Sipas “La Gazzetta dello Sport”, kjo ide ka kohë që po diskutohet në drejtuesit e klubit toskan. Goli i Moreos në minutat shtesë ndaj Cagliarit ka shërbyer vetëm për ta shtyrë vendimin. Pisa ka regjistruar vetëm një fitore në 16 javët e para të kampionatit, atë ndaj Cremoneses.
Besimi ndaj Gilardinos, i cili mori skuadrën e rikthyer në Serie A pas 34 vitesh nga Pippo Inzaghi, duket se është drejt fundit. Objektivi i mbijetesës është vështirësuar edhe nga një merkato modeste verore.
Sipas mediave italiane, një humbje në ndeshjen e radhës ndaj Juventusit mund të jetë vendimtare për largimin e teknikut. Në këtë kuadër, Pisa ka nisur punën për pasuesin e tij. Kandidati kryesor është Davide Ancelotti, i cili së fundmi ka drejtuar Botafogon në Brazil.
Ai e mbylli kampionatin në vendin e gjashtë dhe siguroi kualifikimin në fazën paraprake të Copa Libertadores. Për Ancelottin e ri, ky do të ishte debutimi si trajner i parë në Serie A, pas një eksperience të gjatë si zëvendës i të atit në disa klube europiane.
