Mesfushori Herald Marku është rikthyer zyrtarisht te skuadra e Vllaznisë pas arritjes së marrëveshjes së plotë mes palëve.
Sipas “Shkodra Sport”, futbollisti ka udhëtuar drejt Shkodrës gjatë pasdites së sotme ku ka hedhur edhe firmën mbi kontratën e re.
Akordi verbal mes drejtuesve dhe lojtarit ishte arritur ditë më parë, ndërsa sot u krye zyrtarizimi dhe mbyllja e të gjitha dokumenteve.
Marku pritet të prezantohet përpara opinionit sportiv përpara nisjes së seancës stërvitore, ku do të vihet menjëherë nën urdhrat e stafit teknik.
Ky afrim shihet si një lëvizje me mjaft vlerë për prapavijën dhe mesfushën kuqeblu, duke qenë se lojtari e njeh mjaft mirë ambientin shkodran.
