Kupa e Botës ka sjellë shkarkimin e parë në pankinë, pas humbjes së rëndë 5-1 të Tunizisë ndaj Suedisë në ndeshjen hapëse të turneut.
Federata Tuniziane e Futbollit njoftoi ndërprerjen e bashkëpunimit me trajnerin Sabri Lamouchi vetëm pak muaj pasi ai mori drejtimin e skuadrës, në janar të këtij viti.
Disfata ndaj Suedisë u regjistrua si humbja më e thellë e Tunizisë në historinë e pjesëmarrjeve të saj në Kupën e Botës.
Federata ka nisur procedurat për emërimin e një trajneri të përkohshëm, me Mondher Kebaier që shihet si kandidati kryesor.
Tunizia mbetet pa pikë në Grupin F dhe do të përballet me Japoninë më 21 qershor, përpara ndeshjes së fundit ndaj Holandës.
/CNA
