Vazhdon me vështirësi dhe paqartësi situata në kampin bardheblu.
Megjithëse Tirana shleu pak ditë më parë gjyqin e fundit në FIFA duke zhbllokuar merkaton, klubi është përballur me një tjetër pengesë zyrtare.
Sipas raportimeve nga “Superliga Shqiptare Fan Club”, Federata Shqiptare e Futbollit i ka bllokuar sërish federimet bardheblu për shkak të një borxhi të palikuiduar. Problem përbën taksa e formimit të Ermal Metës, ku klubi “Pepa” kërkon një shumë prej 2.5 milionë lekësh të reja.
Mospagesa e këtij detyrimi financiar në kohë ka pezulluar rregullimin e dokumentacionit për përforcimet e reja. Si rrjedhojë e kësaj pengese, Tirana rrezikon të luajë në Durrës me të njëjtin formacion si në sfidën e shkuar ndaj Rrogozhinës.
Mbetet të shihte nëse klubi do e zgjidhë ccështjen deri pak orë para ndeshjes, për të luajtur me lojtarët e afruar në merkato.
