E pabesueshme! Shënoi me Shqipërinë, Brojën e ndjek fati i keq në Angli

Nuk ka qetësi për Armando Brojën. Aktivizimi në dy ndeshjet me Shqipërinë dhe goli i shënuar ndaj Jordanisë, krijoi idenë se problemet ishin hedhur pas krahëve, por fati i keq vazhdon ta ndjekë edhe në Angli.

Pritej që Broja të ishte titullar në duelin e Burnley ndaj Leeds, por kjo nuk ndodhi. Madje, sikur të mos mjaftonte kjo, ai e ndoqi të gjithë ndeshjen nga stoli.

Trajneri Parker nuk i dha asnjë minutë loje shqiptarit, i cili vazhdon të vuajë për minuta në Premier League.