E paprecedentë! Arbitri nga Kosova ndëshkon lojtarin me dy të verdhë, por jo me të kuq

Një situatë e rrallë ka ndodhur të enjten në Hungari, ku arbitri kosovar Mervan Bejtullahu gjykoi ndeshjen mes Gyorit dhe Pyunikut e vlefshme për raundin e dytë të Ligës së Konferencës.

Gyori arriti të kualifikohet në turin tjetër dhe ishte Daniel Shtefulj i cili e vulosi me golin e tretë në minutën e 90-të. Ai festoi duke hequr fanellën, por u ndëshkua me karton të verdhë.

LEXO EDHE: “Plas” skandali te bardheblutë e kryeqytetit: Sipas të dhënave drejtuesit kanë trukuar ndeshje

Pak minuta më pas, Shtefulj u ndëshkua sërish me të verdhë për një faull të rrezikshëm, duke goditur kundërshtarin në fytyrë me këmbën e ngritur lart. Në ato momente kroati duhet të largohej nga fusha me të kuq, por për çudi qëndroi në fushë.

Bejtullahu u pa i pasigurt dhe u këshillua me ndihmësit, por vendosi të mos e nxjerrë mbrojtësin jashtë. Raportet e mediave kroate thonë se gjyqtari ka ngatërruar numrat e fanellave, Shtefulj mbante numrin 23, ndërsa Dejan Boldor 25, dhe sipas raportit zyrtar të UEFA-s, kartoni i verdhë i dytë iu faturua Boldorit.

Për shkak të një gabimi, lojtari vazhdoi të luajë edhe pse duhej të largohej, duke shkaktuar polemika për një episod të pazakontë që nuk shihet shpesh në futbollin europian.