Merkato e Skënderbeut vazhdon e bllokuar nga FIFA, ndërsa na ndajnë më pak se 8 orë nga sfida hapëse e Superiores 2026/27. Kështu afrimet e verës nuk mund të aktivizohen ndaj Vllaznisë në stadiumin “Loro Boriçi”.
Trajneri Julian Ahmataj ka në dispozicion 19 lojtarë. Skënderbeu kishte vetëm 13 lojtarë të federuar deri dje. Sot ndërkohë që është dita e ndeshjes klubi ka ndërhyrë, dhe pikërisht akademia i ka ardhur në ndihmë. Kështu janë federuar edhe 6 lojtarë të tjerë.
Bardhekuqtë janë në garë me kohën për zhbllokimin e merkatos. Nëse nuk ia dalin, do të detyrohen të luajnë me ndihmën e akademisë si Vllaznia në Europë.
Kompanitë e basteve kanë pasqyruar edhe në koeficiente situatën aktuale. Vllaznia është favorite absolute me koeficientin 1.45, ndërsa fitorja e Skënderbeut në transfertë kuotohet 6.5.
Të federuar deri dje:
Marko Alia, Ilir Dobjani, Kleart Grazhdani, Dejvid Janaqi, Baba Hamadu Musa, Flavio Shkëmbi, Mohamed Ndiaje, Klevis Shaqe, Kosta Vangjeli, Ergi Zenullari, Abubakar Salim, Saleh Nasr, Çarls Bismark.
Të federuar sot:
Stavro Grabocka, Emanuel Chukwunyere, Deivi Ameli, Sajmir Koçibelli, Spasjan Nasto, Endri Agolli.
