Sulmuesi anësor Dejvi Bregu është shndërruar në një nga emrat më të lakuar të merkatos në Superiore.
E ardhmja e tij po zhvendoset drejt Durrësit, sipas Panorama Sport. 30-vjeçari nga Vlora, i cili mbylli sezonin me Dinamon, pritet të zyrtarizohet shumë shpejt te skuadra e Teutës.
Edhe pse fillimisht u përfol për një rinovim të mundshëm me blutë, vlonjati nuk kishte firmosur asnjë akord, duke pritur përfundimin e kontratës për të vlerësuar të gjitha ofertat.
Teuta, nën drejtimin e trajnerit Edlir Tetova, po kërkon të ndërtojë një grup mjaft konkurrues dhe përveç Bregut, po tenton të rikthejë në skuadër edhe Sherif Kallakun, pavarësisht zërave për qëndrimin e tij te Vllaznia.
Deri më tani, durrsakët kanë zyrtarizuar vetëm mbrojtësin Abdurraman Fangaj, por afrimi i Bregut pritet të jetë goditja e radhës e tyre.
