Mesfushori Isi Manellari ka mbyllur zyrtarisht bashkëpunimin me skuadrën e Elbasanit pas një viti qëndrimi.
Vendimi për ndërprerjen e marrëdhënies u komunikua nga vetë futbollisti përmes një njoftimi të shpërndarë në profilet e tij sociale.
Gjatë kësaj periudhe, 28-vjeçari i lindur në Pogradec u shndërrua në një nga pikat kryesore të formacionit verdheblu. Ai u aktivizua në gjithsej 39 ndeshje zyrtare në të gjitha kompeticionet ku ekipi mori pjesë. Në total, mesfushori regjistroi rreth 3000 minuta lojë në fushë duke qenë lojtari më i përdorur.
Me sa duket mesfushori pogradecar i ka bërë shumë mirë llogaritë, sepse e ka pasur gati ekipin e ri.
“Superliga Shqiptare” mëson se Manellari sezonin e ri do të jetë pjesë e Dinamos, duke përforcuar ndjeshëm mesfushën, aty ku Dinamo ka vuajtur jashtëzakonisht sidomos në 2026.
