Trajneri Arjan Peço, do të jetë në komentin e ndeshjes Serbi-Shqipëri në Tv Klan, së bashku me komentatorin Alban Xhiheni.
Në një lidhje direkte nga Leskovaci, ku do të zhvillohet ndeshja, Peço zbuloi se përfaqësues të Federatës Serb i kanë thënë se numri i tifozëve do të jetë më i ulët nga sa ishte planifikuar fillimisht. Sipas tij, do të jenë rreth katër mijë tifozë në stadium.
“Atmosfera është e qetë. Kemi bërë disa biseda me anëtarë të Federatës Serbe. Është ulur me 30% kapaciteti i stadiumit. Mund të jenë rreth katër mijë tifozë për ndeshjen me Shqipërinë. Janë marrë masat nga Federata që gjithçka të shkojë mirë. Një stadium i vogël. Është atipike që një ndeshje si kjo të luhet në stadium të tillë”, tha ai.
