Në prag të ndeshjes Serbi-Shqipëri, e vlefshme për kualifikueset e Botërorit 2026, u zhvillua në qytetin e Nishit dreka zyrtare e organizuar nga Federata Serbe e Futbollit.
Në këtë event mori pjesë delegacioni i Federatës Shqiptare të Futbollit, i kryesuar nga Presidenti Armand Duka, ndërsa nga pala serbe ishin të pranishëm Presidenti i Federatës së Futbollit të Serbisë, Dragan Džajić, dhe disa zyrtarë të tjerë të lartë të institucionit.
Gjithashtu, Presidenti Duka vlerësoi masat e marra për organizimin e ndeshjes nga federata dhe autoritetet serbe dhe për pritjen shumë të mira që i është rezervuar Kombëtares shqiptare dhe delegacionit të FSHF.
Takimi rutinor në tokën e shqiptarëve të asimiluar, në fakt ishte dhe me kërkesa të rëndësishme.
Duka duke kujtuar ngjarjet e Beogradit i ka ripërsëritur kërkesën e tij për siguri maksimale dhe moscënimin e lojtarëve të Kombëtares. Këtë nuk e ka bërë vetëm si president i FSHF, por dhe zv.president i UEFA-s.
