Prania e presidentit polak Karol Nawrocki në stadiumin “PGE Narodowy” pritet të sjellë një atmosferë të tensionuar jashtë fushës së blertë gjatë sfidës me Shqipërinë.
Ndonëse kreu i shtetit është një ndjekës i rregullt i kombëtares, këtë herë ai mund të përballet me një pritje armiqësore nga ana e tifozëve vendas.
Shkak i kësaj pakënaqësie është bërë vendimi i tij për të vendosur veton ndaj amendimeve të Kodit Penal, të cilat parashikonin lehtësime në procedurat gjyqësore dhe mbrojtje më të madhe ligjore.
Tifogrupet polake në qytete si Lodz, Gdansk dhe Poznan kanë shpalosur tashmë parulla kundër tij në ndeshjet e kampionatit, duke e cilësuar ndërhyrjen e tij si të paprecedentë.
Ekspertët e sigurisë në Varshavë parashikojnë që stadiumi të shndërrohet në një arenë proteste, ku krahas mbështetjes për lojtarët, do të ketë kontestime të forta dhe pankarta politike drejtuar presidentit.
Ky tension i brendshëm në kampin polak mund të shërbejë si një faktor shpërqendrues për vendasit, ndërkohë që vëmendja e opinionit mbetet e ndarë mes futbollit dhe zhvillimeve politike.
