E ardhmja e trajnerit të Partizanit, Oltijon Kërnaja, është vënë në dyshim pas rezultateve të fundit.
“Të kuqtë” u mposhtën në Vorë me rezultatin 0-1, duke dalë praktikisht nga gara për “Final 4”. Kjo ishte disfata e tretë radhazi në kampionat për skuadrën kryeqytetase.
Në këtë situatë, vazhdimësia e teknikut 37-vjeçar mbetet e paqartë. Reagimet e tij pas humbjeve të fundit kanë shtuar dilemat për të ardhmen në pankinë.
Për momentin, klubi nuk ka marrë një vendim zyrtar. Megjithatë, pozitat e Kërnajës konsiderohen të lëkundura.
Ai mori drejtimin e Partizanit në javën e shtatë të fazës së parë, pas largimit të Mlladen Milinkoviç.
