AEK i Athinës u eliminua nga Kupa e Greqisë pas humbjes 0-1 ndaj OFI Kretës në çerekfinale. Kjo disfatë u konsiderua surprizë, duke sjellë reagime të menjëhershme në ambientin e klubit.
Mediat greke raportojnë se pronari Marios Iliopoulos ka vendosur një gjobë prej 400 mijë eurosh për skuadrën.
Kjo masë nuk do të zbatohet nëse AEK fiton tre ndeshjet e ardhshme ndaj Panathinaikosit, Asterasit dhe Olimpiakosit. Një objektiv i tillë vlerësohet i vështirë, duke pasur parasysh nivelin e kundërshtarëve.
Nëse rezultatet pozitive nuk arrihen, një pjesë e gjobës do të shkojë për sektorin amator të klubit dhe pjesa tjetër për bamirësi.
Portieri shqiptar Thomas Strakosha nuk u aktivizua në këtë ndeshje, pasi ishte lënë pushim nga trajneri.
Iliopoulos njihet për vendosjen e shpërblimeve pas fitoreve të rëndësishme, por edhe për masa ndëshkuese në raste dështimi.
