FC Thun ka shkruar historinë në futbollin zviceran duke u shpallur kampion i Sëiss Super League, menjëherë pas rikthimit nga kategoria e dytë.
Ky sukses konsiderohet i paprecedentë në epokën moderne të futbollit vendas, duke i rreshtuar ata përkrah arritjeve legjendare si ajo e Nottingham Forest apo Kaiserslautern.
Skuadra nga qyteti i vogël arriti të triumfojë pavarësisht buxhetit të limituar prej 2 milionë eurosh, shifër kjo shumë herë më e ulët se ajo e rivalëve si Basel apo Young Boys.
Nën drejtimin e trajnerit Mauro Lustrinelli, klubi siguroi titullin me një diferencë prej 11 pikësh nga ndjekësit.
Ky triumf u shoqërua me festime të mëdha nga tifozëria besnike, e cila tashmë do të shohë ekipin sërish në skenën e futbollit europian.
Arritja vjen saktësisht 20 vjet pas aventurës së tyre të parë të paharrueshme në Champions League.
