Sot, sulmuesi i Kosovës, Edon Zhegrova, kishte shpërthyer në një reagim të tij, ndaj legjendës së Kombëtares shqiptar, Altin Lala.
Ky i fundit kishte kritikuar sjelljen e Zhegrovës, duke thënë se duhet të fokusohet më shumë të fusha e lojës dhe jo te orët, makinat apo veshjet aspak serioze.
Pas kësaj, Zhegrova doli me një reagim, duke sulmuar ish-mesfushorin dhe duke ngritur pyetjen se ku ka luajtur Lala si lojtar.
Edon, ndoshta Lala nuk ka luajtur në një klub të madh si Juventusi, por ka fituar atë që më shumë duhet në futboll, dashurinë e tifozëve.
Në ndeshjen e tij të lamtumirës, tifozët e Hanoverit, i kushtuan një koreografi respekti Lalës, e cila u shpalos në të gjithë stadiumin.
Ti mund të fitosh pafund të ardhura, mund të luash dhe në klube të mëdha, por dashurinë e tifozëve si Lala nuk ke për ta marrë kurrë. Jo se nuk ke talent, por mendjemadhësia jote lë shumë për të dëshiruar.
Po ashtu, Lala jepte gjithçka për Kombëtaren, ndërsa ti refuzove ftesën e Kosovës, pas transferimit te Juventusi.
