Mbrojtësi i Kombëtares shqiptare, Naser Aliji, është pranë arritjes së një marrëveshjeje për t’u transferuar te kampionët në fuqi të Shqipërisë, Egnatia.
Futbollisti 32-vjeçar ndodhet aktualisht në statusin e lojtarit të lirë, pasi mbylli zyrtarisht aventurën e tij me skuadrën e Dinamo City-t.
Drejtuesit e klubit rrogozhinas e shikojnë mbrojtësin e majtë si një përforcim ideal për të rritur cilësinë dhe përvojën në repartin e prapavijës, veçanërisht për sfidat e ardhshme në kompeticionet europiane.
Negociatat mes palëve raportohet se janë në hapat e fundit dhe zyrtarizimi i marrëveshjes pritet të bëhet publik shumë shpejt.
Përmes kësaj lëvizjeje të rëndësishme në merkaton e verës, Egnatia jep një sinjal të qartë për të gjithë rivalët mbi ambiciet e saj të mëdha për të mbrojtur titullin kampion edhe në edicionin e ri futbollistik.
