Egnatia ka surprizuar me lëvizjet e saj të fundit në stol, duke ndërprerë bashkëpunimin me trajnerin kampion, Edlir Tetova, përpara përfundimit të sezonit.
Edhe pse fillimisht ishte lajmëruar se largimi do të ndodhte në verë, drejtuesit e klubit rrogozhinas kanë vendosur të ndryshojnë kurs menjëherë.
Ndërkohë që për momentin ekipi i është besuar ndihmëstrajnerit Julian Brahja, raportohet se akordi për pasuesin e Tetovës është arritur.
Nevil Dede pritet të jetë trajneri i ri i Egnatias, duke u rikthyer në kampionatin shqiptar vetëm pak kohë pas mbylljes së aventurës së tij në Kosovë me ekipin e Ferizajt.
Ky ndryshim vjen si një përpjekje e klubit për të sjellë një energji të re në këtë fazë delikate të kampionatit.
