Në Korçë ka nisur puna për rikthimin e Skënderbeut të dikurshëm. Skuadra këtë sezon luan në Kategorinë e Parë, por ngjitja në Superiore duket thjesht çështje kohe.
“Vetëm Sport” zbulon ekskluzivisht juglindorët kanë nisur të mendojnë edhe për sezonin e ardhshëm. Burimet thonë se edicionin e ardhshëm, korçarët do të krijojnë një skuadër pretendente për në Superiore.
Mësohet se dënim i UEFA-s, për përjashtimin 10-vjeçar përfundon…
LAJMI I PLOTË:
Mësohet se dënim i UEFA-s, për përjashtimin 10-vjeçar përfundon në muajin shkurt të vitit 2027. Në këtë situatë, sezonin e ardhshëm, në rast se renditet në katër vendet e para, Skënderbeu mund të luajë në Europë.
Për “Vetëm Sport”, burime pranë klubit thanë se po hartohet një projekt, për krijimin e një skuadre pretendente në verë, me synim titullin kampion në Superiore, por edhe për të ecur sa më gjatë në Europë.
Në merkaton e verës, pritet një revolucion në ekip, ku nga lojtarët aktualë, pritet të qëndrojnë vetëm ata më të spikaturit.
Duket se pritjes së gjatë të tifozëve korçarë, po i vjen fundi. Kujtojmë se Skënderbeu është skuadra e vetme shqiptare, që ka luajtur dy herë në fazën e grupeve në Europa League.
