Elbasani triumfon ndaj Egnatias dhe “kap” Vllazninë, si ndryshon renditja në Superiore

Elbasani regjistroi fitoren e katërt radhazi në Superiore. Verdheblutë triumfuan minimalisht ndaj Egnatias, në duelin e javës së 11-të.

Skuadra e Gvozdenovic, iu fal golit të shënuar nga Tsague në minutën e 67-të, për të marrë fitoren.

Vlen të përmendet, se Egnatia luajti me 10 lojtarë nga minuta e 49-të, pas ndëshkimit me të kuq të Jaime.

Ky sukses, e ngjit Elbasanin në vendin e dytë me 23 pikë, po aq sa Vllaznia kryesuese. Egnatia mban vendin e tretë me 19 pikë.