Partizani bën “çmendurinë” me 10 lojtarë, përmbys Teutën dhe harron krizën

Partizani ka marrë një fitore të çmendur ndaj Teutës, me rezultatin 3-2, në javën e 11-të në Superiore.

Durrsakët e mbyllën në avantazh të dy golave pjesën e parë, pasi shënuan Macolli dhe Toli. Në të dytën, Partizani u shfaq me fytyrë tjetër.

Contreras i futur nga stoli, barazoi shifrat në minutat 58 dhe 66, ndërsa në minutën e 76, u ndëshkua me të kuq.

Më herët, në minutën e 63-të, Teuta humbi penallti, me Gonzalez që u ndal nga shtylla. Në inferioritet numerik, Partizani përmbysi rezultatin.

Toma shënoi golin e fitores në minutën e 86-të. Me këtë sukses, Partizani mban vendin e tetë me 12 pikë, 3 më pak se Teuta e vendit të pestë.