Besëlidhja ka hapur një kapitull të ri në sezonin 2025/26, me ndryshime të rëndësishme që sjellin frymë të re në klub.
Në krye të presidencës është emëruar Pjerin Fushaj, një emër me përvojë në drejtim, i cili më parë ka qenë zëvendëspresident i Vllaznisë. Për pankinën është zgjedhur Elvis Plori, trajneri që vite më parë i kishte afruar lezhjanët pranë Superiores, por u ndal pikërisht nga Vllaznia në finalen e “play-off”.
LEXO EDHE: Hyrja falas në stadium, FSHF jep njoftimin për ndeshjen e kombëtares kuqezi
Sot, ai rikthehet me më shumë përvojë dhe dëshirë për të realizuar ëndrrën e munguar. Besëlidhja nuk kërkon thjesht një sezon të mirë, por një rikthim dinjitoz në Kategorinë e Parë dhe më tej në elitën e futbollit shqiptar.
Fushaj ka premtuar organizim, investime dhe ambicie, duke i dhënë tifozëve arsye për të besuar sërish. Një projekt i ri, një frymë e re dhe një objektiv i qartë: rikthimi i Besëlidhjes aty ku i takon.
