Eneo Bitri do të vazhdojë karrierën në Hungari, ku ka arritur akordin me klubin Nyiregyhaza Spartakus, sipas Panorama Sport. Mbrojtësi 29-vjeçar pritet të zyrtarizohet së shpejti si pjesë e skuadrës hungareze, me të cilët ka arritur edhe marrëveshjen.
LEXO EDHE: “Kaosi” me Skukën, Partizani gjen sulmuesin e ri. Gati firma me lojtarin e Kombëtares
Gjatë verës, disa klube të Superiores kanë treguar interes për të, përfshirë edhe Tiranën, por transferimi nuk u konkretizua. Bitri mbylli fillimisht bashkëpunimin me Valerangën në Norvegji, që zotëronte kartonin e tij.
Sezonin e fundit ai luajti i huazuar te Giori në Hungari. Vendimi i tij është që të qëndrojë në elitën hungareze dhe të vazhdojë karrierën në atë kampionat. Për Tiranën dhe klubet e tjera shqiptare, Bitri mbeti vetëm një alternativë e merkatos së verës.
