Ernest Muçi nuk do të jetë i gatshëm për ndeshjen që Shqipëria do të luajë ndaj Ukrainës.
Bëhet e ditur se sulmuesi është larguar nga grumbullimi, për shkak dëmtimi.
Sipas FSHF-së, lojtari ka shfaqur probleme fizike dhe nuk është stërvitur me pjesën tjetër të ekipit.
Muçi do të rikthehet te klubi i tij Trabzonspor, ku do i nënshtrohet analizave, për të mësuar shkallën e dëmtimit.
Kujtojmë se fantazisti u rikthye në Kombëtare për ndeshjet e “play off”, ndërsa luajti si zëvendësues ndaj Polonisë, pa arritur të lërë shenjë.
