Falje dhe sulm, Edi Martini nuk ka ndërmend të ndalet. Ja çfarë shkruan në reagim…

Trajneri i Vllaznisë, Edi Martini, është bërë pjesë e diskutimeve në opinionin sportiv, jo për fitoren ndaj Dinamos, por për gjestin e tij ndaj trajnerit Ilir Daja pas ndeshjes.

Episodi ka marrë vëmendje të gjerë në rrjetet sociale dhe në mediat sportive, duke u komentuar nga analistë dhe gazetarë. Për ngjarjen, Martini ka reaguar me një postim në “Facebook”, ku ka kërkuar ndjesë për sjelljen e tij, por jo ndaj Dajës personalisht.

“Tifoze shkodrane dhe jo vetëm, më lejoni që me anë të këtij postimi dua t’ju kërkoj ndjesë për atë veprim të bërë pas ndeshjes nga ana ime, që ka pasur lidhje thjesht me emocionet e akumuluara pas një ndeshje të vështirë që donim me çdo kusht ta fitonim dhe e arritëm me shumë mund. Sa për ato hienat që dalin nëpër studio, u them që përveçse më motivoni mua dhe djemtë e ekipit tim, nuk na bëni asgjë tjetër, sepse ne jemi Vllaznia,” shkruan Martini.