Shqipëria luan një ndeshje tejet të rëndësishme ndaj Andorrës, e vlefshme për kualifikueset e Botërorit.
Kuqezinjtë synojnë me çdo kusht fitoren, e cila mund të sigurojë fazën “play off”.
Të mërkurën, Kombëtarja zhvilloi stërvitjen e fundit, para ndeshjes dhe është gati për një duel që pritet shumë i luftuar.
Trajneri Silvinjo dhe stafi teknik, kanë një ide më të qartë për lojtarët që do të zbresin në fushë dhe nuk pritet të ketë ndryshime të mëdha, në krahasim me ndeshjet e tjera.
Në portë, Thomas Strakosha është i sigurt, ashtu si edhe katërshja para tij.
Në qendër të mbrojtjes pritet dyshja Berat Gjimshiti-Arlind Ajeti, ndërsa në të djathtë Elseid Hysaj dhe në të majtë, Mario Mitaj.
Dyshimet më të mëdha janë për mesfushën, ku pritet të luajnë Asllani dhe Shehu, ndërsa ka balotazh mes Medon Berishës dhe Qazim Laçit.
Në sulm, Rey Manaj duket i padiskutueshëm në qendër, ndërsa Armando Broja pritet të luajë në të djathtë.
Në të majtë, ka balotazh mes Myrto Uzunit dhe Arbër Hoxhës.
Ndeshja mes Andorrës dhe Shqipërisë, do të gjykohet nga arbitra rumunë. Kryesor do të jetë Horatiu Fesnic, i ndihmuar nga asistentët Valentin Avram dhe Alexandru Cerei.
