Armando Dobra e nisi pozitivisht sezonin me Chesterfield në Angli. Më pas, për shkak të një dëmtimi, ai ka munguar në gjashtë ndeshjet e fundit të ekipit.
Zëvendëstrajneri i Chesterfield, Dani Ueb, ka deklaruar se futbollistit i nevojiten edhe disa javë për rikuperim.
Kjo situatë e ka ndalur Dobran në një moment kur po përflitej edhe për lëvizje të mundshme në merkato.
24-vjeçari aktivizohet në Ligën Dy të Anglisë, niveli i katërt i futbollit anglez. Ai luan si anësor i majtë i sulmit. Me fanellën e Chesterfield, Dobra ka regjistruar në total 38 gola dhe 18 asistime.
