Partizani ka nisur të mendojë për merkaton e dimrit. Të kuqtë kanë hapur bisedime për afrimin e Kevin Dodajt gjatë muajit janar. Raportimet e fundit, bëjnë me dije se interesi i Partizanit është konkret për sulmuesin 20-vjeçar.
Aktualisht, gjithçka mbetet në fazën e diskutimeve dhe nuk ka ende një marrëveshje të arritur. Megjithatë, nuk përjashtohet mundësia e një rikthimi të pukjanit në kampionatin shqiptar.
Prej disa ditësh po diskutohet se lojtari i CSKA Sofjes mund të huazohet gjatë merkatos dimërore.
Partizani shihet si një nga opsionet konkrete për këtë huazim. Kujtojmë se Dodaj u transferua gjatë verës nga Vllaznia te CSKA Sofia për shumën 450 mijë euro.
Mungesa e aktivizimit në Bullgari mund ta shtyjë sulmuesin të kërkojë një ekip ku të ketë më shumë minuta. Gjithsesi, Partizani pritet të përballet me konkurrencë, pasi edhe klube të tjera të elitës bullgare kanë shfaqur interes për shërbimet e tij.
