FIFA ka vendosur bllokimin e merkatos për disa klube shqiptare për shkak të gjyqeve të humbura. Së fundmi, pezullimi ka prekur Kastriotin dhe Valbonën, sipas “Panorama Sport”.
Të dyja nuk mund të regjistrojnë futbollistë në tri periudhat e ardhshme nëse nuk shlyejnë detyrimet. Për Kastriotin, ndalimi ka hyrë në fuqi më 15 shtator. Klubi i Kategorisë së Parë duhet të zgjidhë çështjen para hapjes së merkatos së janarit.
Për Valbonën, pezullimi ka nisur më 19 shtator. Skuadra nga Tropoja zbriti në Kategorinë e Dytë pas një sezoni në të Parën. Më herët, edhe Luftëtari e Oriku kanë marrë masa të ngjashme nga FIFA.
