Jorgo Pëllumbi mund të quhet një lojtar i Dritës në Kosovë. Kampionët kanë arritur marrëveshjen me mbrojtësin korçar, ndërsa është hedhur edhe firma në kontratë.
Bëhet fjalë për një kontratë dy vjeçare, ndërsa në orët e ardhshme pritet të bëhet prezantimi.
Futbollisti 25-vjeçar spikati në futbollin shqiptar me Skënderbeun, por edhe me Kukësin, para se të kalonte te Varazdin në Kroaci.
Në sezonin e fundit ai luajti me Debrecen në Hungari, ndërsa në verë doli lojtar i lirë. Dinamo ishte një nga klubet shqiptare që tregoi interes për të, por një akord nuk u arrit.
Pëllumbi tashmë do të provojë aventurën e parë në Kosovë te Drita, ndërsa kujtojmë se gjilanasit do të luajnë edhe në Conference League për herë të parë në histori.
![asat mala]](https://vetemsport.com/wp-content/uploads/2026/06/asat-mala-768x508.png)
